Latest Post

Written By Unknown on Sunday, December 9, 2012 | 7:00 AM

मोबाइलमा सबैभन्दा धेरै डाउनलोड भइन क्याटरीना
************************************
करीना कपूर र प्रियंका चोपडालाइ पछि पार्दै क्याटरीना क्याफ सन २०१२ की मोबाइल फोनमा सबैभन्दा धेरै डाउनलोड गरिने हस्ती बनेकी छन् । तश्विरहरू डाउनलोड गरिएको श्रेणीमा एक था टाइगर स्टार क्याटरीना लगातार चौथो वर्ष शीर्ष स्थानमा रहेकी छन् । एयरटेल मोबीट्यूड २०१२ को तथ्याङ्क अनुसार क्याटरीना बाहेक शीर्ष पांचमा करीना कपूर, प्रियंका चोपडा, अनुष्का शर्मा र विद्या बालन सहभागी छन् ।

बलीउड स्टार्सको वालपेपर डाउनलोडको श्रेणीमा शाहरूख खान नम्बर एकमा रहेका छन् । त्यसपछि सलमान खान, अजय देवगन, अक्षय कुमार र रणबीर कपूरको स्थान रहेको छ । लगातार तेश्रो बर्ष अमिर खानले सूचीमा कुनै स्थान पाएनन् ।

दक्षिण भारतमा तस्वीरहरू डाउनलोड गर्ने ट्रेन्ड बलिउडको तुलनामा अझै बढि छ । टलिउडकी अभिनेत्री त्रिशा यस दौडमा शीर्षमा रहेकी छन् । बलिउडका शीर्ष पांच अभिनेताहरूको गरिएको जम्मा डाउनलोड तुलनामा त्रिशाको तस्वीरहरू ३२५ प्रतिशत धेरै डाउनलोड गरिएको थियो ।

इन्टरनेटमा लोकप्रिय गीत ‘कोलावेरी डी’ यस वर्ष पनि भारतीय मोबाइल इन्टरनेट उपयोक्ताहरूका बिचमा पहिलो रोजाइमा परेको छ । यस पछि दोश्रो स्थान सलमान खानको फिल्म बडीगार्डको गीत ‘तेरी मेरी प्रेम कहानी’ परेको छ ।
विद्यार्थीले पूरा सेट किताब पाउन नसकेकोमा आपत्ति
Admin:Keshab
काठमाडौं, मंसिर २४ - विद्यालय क्षेत्र सुधार कार्यक्रम एसएसआरपीका विकास साझेदारहरुले शैक्षिक सत्रको अन्त्यसम्म पनि विद्यार्थीले पूरा सेट किताब पाउन नसकेकोमा आपत्ति जनाएका छन् ।

शिक्षा मन्त्रालय र एसएसआरपीका विकास साझेदारको चार दिनसम्म चलेको संयुक्त परामर्श बैठकमा साझेदार संस्थाले पाठ्यपुस्तक छपाइको जिम्मा निजी क्षेत्रलाई दिन दवाब दिएका छन् ।
विकास साझेदारले जनक शिक्षा सामाग्री केन्द्र लिमिटेडले समयमै पाठ्यपुस्तक छाप्न नसकेका कारण विद्यार्थीले अभाव झेल्नु परिरहेको भन्दै नीजि क्षेत्रलाई छपाईको काममा संलग्न गराउनुपर्ने आवाज उठाएका हुन् ।

दातृ निकायकै दवाबमा केही वर्षअघि पूर्वाञ्चल र पश्चिमाञ्चल क्षेत्रमा नीजि क्षेत्रलाई विद्यालयस्तरीय पाठ्यपुस्तक छपाइ गर्न दिइएको थियो ।

शिक्षा पत्रकार समूहले काठमाडौंमा गरेको कार्यक्रममा नेपाल राष्ट्रिय शिक्षक संगठनका अध्यक्ष बाबुराम अधिकारीले विकास साझेदारहरुले देश व्यापीरुपमा नै निजी क्षेत्रलाई पाठ्यपुस्तक छपाइको जिम्मा दिनुपर्ने विषय प्राथमिकतासाथ उठाएको बताउनुभयो ।

चार वर्षअघि लागू भएको एसएसआरपीमा विश्व बैंक, एसियाली विकास बैंक, डिएफआइडी, युनिसेफ, फिनिडा लगायतका विकास साझेदारहरुको झण्डै २४ प्रतिशत लगानी छ ।

तर शिक्षा मन्त्रालयका प्रवक्ता महाश्रम शर्माले पूर्वाञ्चल र पश्चिमाञ्चल विकास क्षेत्र वाहेकका क्षेत्रमा तत्कालै नीजि क्षेत्रलाई पाठ्यपुस्तक छपाइ गर्न दिने योजना नरहेको बताउनुभयो ।

उहाँले शैक्षिक सत्र सुरु हुनुअगावै चैत मसान्तसम्म देशभरका सबै विद्यालयमा पाठ्यपुस्तक पु¥याउने विषयमा जनक शिक्षा सामाग्री केन्द्रसंग कुरा भएको र विद्यार्थीले समयमै पाठ्यपुस्तक नपाए दोषीमाथि कारवाही गर्ने बताउनुभयो ।

सरकारले देशभरका विद्यालयमा १ देखि १० कक्षासम्मका विद्यार्थीलाई निःशुल्करुपमा पाठ्यपुस्तक वितरण गर्दै आएको छ ।

तर कार्यक्रममा एसएसआरपीको मूल दस्तावेज बनाउने काममा संलग्न शिक्षाविद् डा. विष्णु कार्कीले कार्यक्रम लागू भएको चार वर्ष वित्दा पनि नीतिगत र संरचनागत सुधार नगरिएको अवस्थामा प्रगति विवरण पेश गर्नुको कुनै तुक नभएको बताउनुभयो
छोरालाई झुण्ड्यापछि आमाद्वारा आत्महत्या
@Admin:Keshab
ujyaalo
नवलपरासी, मंसिर २४ - आफ्नो सात वर्षिय छोरालाई भुण्ड्याएर मारेपछि आमाले आत्महत्या गरेकी छिन् ।
नवलपरासीको कोल्हुवा–८ की २७ बर्षीय नेतकुमारी चौधरीले छोरा प्रकाश चौधरीलाई झुण्ड्याएर मारेपछि आफूले समेत आत्महत्या गरेको ईलाका प्रहरी कार्यालय कावासोतीले जनाएको छ ।
घरभित्र कोही नभएको मौका छोपेर चौधरीले छोरालाई झुण्ड्याएरको र आफूले पनि आत्महत्या गरेको प्रहरीको प्रारम्भिक अनुसन्धानका क्रममा देखिएको ईलाका प्रहरी कार्यालय कावासोतीको डिएसपी नान्तिराज गुरुङ्गले बताउनुभयो ।
शनिवार दिउँसो दुई बजेतिर घर भित्रको बलोमा उनीहरुलाई झुण्डिएको अबस्थामा देखेपछि स्थानीयबासिन्दाले प्रहरीलाई खबर गरेका थिए ।
महिलाका श्रीमान् कृष्णलाल चौधरी बाहिर घुम्न गएका बेला घटना भएको प्रहरीले जनाएको छ ।
शवलाई शनिवार नै प्राथमिक स्वास्थ्य केन्द्र चोरामारा लगिएको भएपनि अहिले सम्म पोष्टमार्टमको रिपोर्ट नआएको डिएसपी गुरुङ्गले जानकारी दिनुभयो ।

Written By Unknown on Friday, December 7, 2012 | 9:23 PM

प्रधानमन्त्रीले जाँड खाए, गोडा धुन दिएनन्,
२३ मंसिर, कैलाली । जनताको घरमा बास बस्ने अभियान अन्तर्गत कैलालीको टीकापुर स्थित मुक्तकमैया शिविर पुग्नुभएका प्रधानमन्त्री बाबुराम भट्टराईले मुसाको अचार, ढिकरी र जाँड खानुभयो ।

टीकापुर नगरपालीकाको विजयनगरका बाबुराम चौधरीको घरमा बस्नुभएका प्रधानमन्त्रीलाई थारु परम्परा अनुसार स्वागत सत्कार गरिएको थियो । प्रधानमन्त्रीलाई दिन तयार पारिएको जाँड देखेर उहाँले भन्नुभयो ‘मलाई मदिरा पिउने बानी छैन् तर, सम्मानको लागि एक घुट्को लिन्छु ।’ मुसाको अचार पनि प्रधानमन्त्रीले मिठो मानेर खानुभयो ।

थारु परम्परा अनुसार आफ्नो घरमा आउने पाहुनाहरुका लागि मुसाको चटनी, जाँड तथा ढिकरीको परिकार खुवाउने र खुट्टा धोएर ढोग्ने चलन रहेको छ । सोही परम्पराअनुसार बाबुरामको परिवारले प्रधानमन्त्रीको स्वागत गरेपनि उहाँले खुट्टा धोएर ढोग्न भने मान्नुभएन । ‘यो सामन्ती संस्कार चाहिं मलाई नगराउनुस’ भन्दै खुट्टा धुन दिन भट्टराईले अस्वीकार गर्नुभएको थियो ।

प्रधानमन्त्री भट्टराईको स्वागतका लागि पुरै मुक्त कमैया बस्तीका बासिन्दा २ दिनदेखि नै खानपान र बसोबास व्यवस्थापनका लागि जुटेका थिए । ‘मुक्त कमैया शिविरमा प्रधानमन्त्री आउनु भनेको सवै कमैयाको घरमा आउनु जस्तै हो’ भन्दै उनीहरुले प्रधानमन्त्रीको स्वागत गरेका थिए ।

साँझ खानपानसँगै प्रधानमन्त्रीले मुक्त कमैयाका गुनासाहरु पनि सुन्नुभएको थियो ,
कस्तो मिठो ...

प्रधानमन्त्री बाबुराम भट्टराई कैलालीको टीकापुरस्थित मुक्त कमैया बाबुराम
चौधरीका साथ उनकै घरमा गएराति खाना खाँदै। मुक्त कमैया बाबुराम चौधरीले
प्रधानमन्त्रीलाई थारु परिकार खुवाएका थिए। तस्बिर : पुष्पराज जोशी

सुन्दर सुदूरपश्चिम अभियान सुरु


काठमाडौ, मंसिर - सरकार पर्यटन वर्षको तयारीमा जुटिरहेका बेला सुदूरपश्चिमका धार्मिक र पर्यटकीय स्थलको प्रचार गर्न सुदुरपश्चिमेलीहरूले 'सुन्दर सुदूरपश्चिम' अभियान थालेका छन् ।

कैलाली उद्योग वाणिज्य संघ र सुदूरपश्चिम बस तथा मिनिबस व्यवसायी समितिले संयुक्त रूपमा थालेको अभियान गोंगबुस्थित बसपार्कबाट सुरु भएको हो । अभियानको उद्घाटनका लागि निम्त्याइएका पर्यटनमन्त्री शरदसिंह भण्डारी माओवादी कार्यकर्ताले कालो झन्डा देखाई विरोध प्रदर्शन गर्ने जानकारी पाएपछि उपस्थित भएनन् । उनी नआएपछि अभियानको उद्घाटन नेपाल यातायात व्यवसायी राष्ट्रिय महासंघका अध्यक्ष दिनेश भण्डारी र उद्योग वाणिज्य महासंघका केन्द्रीय उपाध्यक्ष भाष्करराज कणिर्कारले संयुक्त रूपमा गरेका थिए । अभियानको थालनीमा गोंगबुदेखि धनगढी, सिलगढी र साफेबगर रुटमा चल्ने १ दर्जन बसमा सुदूरपश्चिमका पर्यटकीय स्थलको स्टिकर टाँसिएको थियो । समितिका अध्यक्ष टेकराज जोशीका अनुसार उक्त समिति मातहतबाट देशभर सञ्चालन हुने २ सय ४६ वटा बसमा एक साताभित्र स्टिकर टाँसिनेछ । ती स्टिकरमा दक्षिण एसियामा चर्चित कणर्ाली र महाकाली नदीको झोलुङ्गे पुल, घोडाघोडी ताल, खप्तडलगायतका पर्यटकीय र धार्मिक स्थलका तस्बिर छन् । 'अभावग्रस्त क्षेत्रका रूपमा प्रचार गरिएको सुदूरपश्चिमलाई पर्यटकीय, कृषि र व्यापारका सम्भावना भएको क्षेत्रका रूपमा पहिचान गराउने अभियानको मुख्य लक्ष्य रहेको महासंघका अध्यक्ष भण्डारीले बताए । ४ हजारभन्दा बढी पोस्टर तयार पारेको अभियानले यसअघि ३ वटा महोत्सव गरिसकेको बताउँदै भण्डारीले पर्यटकीय सम्भावनाको प्रचूरता देखाउन अघिल्लो वर्ष राजधानीमा फोटो प्रदर्शनी पनि गरेको बताए ।

कणर्ाली र महाकाली नदी रहेको सुदूरपश्चिममा धार्मिक पर्यटकको सम्भावना पनि अत्यधिक छ । भारतको हरिद्वार प्रवेश गर्ने नाकाको रूपमा रहेको सिद्धबाबा मन्दिरमा वाषिर्क लाखौं भारतीय धार्मिक पर्यटक आउने गर्छन् । भारतका विभिन्न तीर्थयात्रा सकेपछि उत्तरप्रदेश र उत्तराञ्चलको गोरखपुर, लखनउ, बरेली, कानपुरवासी सुदूरपश्चिमको धार्मिक यात्रा गरी फर्किन्छन् । अभियानले ७ बहिनीका नामले प्रख्यात सेती र महाकालीका ७ वटा प्रख्यात देवीका मन्दिरको प्रचारलाई पनि समेटेको छ ।

प्रकाशित मिति: २०६६ मंसिर १९ १०:३५


 
Support : Creating Website | Johny Template | Mas Template
Copyright © 2011. सुन्दर सुदूरपश्चिम - All Rights Reserved
Template Created by Creating Website
Proudly powered by Blogger